काईली तामाङ:
मकवानपुर जिल्लाको टिस्टुङ भञ्ज्याङ स्थित स्थायी बसोबास ठेगाना भएकी काईली तामाङ टिष्टुङको चिसो हावापानीमा अलि अलि कोदोमकैको उब्जाउ र खासगरी केही बाख्रापालन गरी गुजारा चल्थ्यो उहाँको परिवारको । उहाँको एकजना अपाङ्ग छोराको हेरचाह र स्याहारसुसार गर्नमै हैरान हुनुहुन्थ्यो । छोराको स्याहारसुसार गर्दैरहँदा पछि उहाँ आफै अस्वस्थ बन्नुभयो । फोक्सोको क्यान्सर र मूत्रप्रणलीमा हुनगएको जटिल अवस्थाले गर्दा पटक पटक स्वास्थ्योपचारको शिलशिलामा राजधानी काठमाण्डौंको अस्पतालमा धाइरहनुपर्ने भयो । बेला बेलामा अस्पतालमै भर्ना भई लामै समयसम्म उपचाररत रुपमा बिताउनुपर्ने भयो । खर्चको अभाव हुनथाल्यो । आर्थिक स्थिति कमजोर भएकोले उहाँलाई आर्थिक सहायताको खाँचो पर्न थाल्यो । स्वास्थ्य स्थिति नाजुक बन्दैगयो । उहाँलाई परेको आर्थिक संकटको अवस्था जानकारी भएकोले एवेनेजर ट्रष्टले पनि मानवीय रुपमा केही आर्थिक सहायता पुर्याउन निश्चय गर्यो र उहाँलाई मितिः २०८० असोज र २०८० माघमा गरी उपचारार्थ दूई पटक सहायता प्रदान गर्यो ।
दुःखद कुरा उपचारले काम गर्न छाडेपछि त्यही रोगले हालैमा उहाँको मृत्यु भयो ।